План за почетници и идни цареви и царици во царството - вежбање.

Да погодиме. Тука си бидејќи:

• Докторот ти намигна и ти кажа дека е време да почнеш да вежбаш?

• Малку по малку - како секој ден да е све потешко да се качуваш по скалите на работа, па реши дека е крајно време да поработиш на силата и издржливоста?

• Малку се имаш заоблено, а си чул/а дека вежбањето е важно за да се задржи здравата телесна тежина?

Без разлика кои се твоите причини за старт, БРАВО, за првиот чекор и рисрчот што го правиш, затоа си тука! Но малку е тешко да ги исчиташ сите тие милиони зборови и реченици изнапишани за сите можни програми за вежбање, ама па затоа нас не не мрзеше и ги прочитавме сите, за тебе!

Ќе сервираме се што треба да знаеш, како да го пронајдеш она што ќе те мотивира, како да видиш до кај си, како да направиш план и нормално како да успееш да го реализираш тој твој план.

Епа ај:

Чекор број 1: Најди го твоето, ЗОШТО! Големо ЗОШТО САКАШ ДА ГО ПРАВИШ ТОА ШТО МИСЛИШ ДЕКА ТРЕБА ДА ГО ПРАВИШ, ШО ПРАИШ?!

Да те видиме на улица и да те прашаме: Зошто баш сакаш да почнеш со вежбање? Веројатно ќе не погледнеш на криво, откако ќе го дигнеш погледот од телефонот и одговорот е следен:

„Вежбањето е добро за мене/за здравје/здраво тело..блабла. Зарем треба некоја причина плус.“

Да бе, ама вежбањето беше добро за здравје и пред 10 години па ти не вежбаш веќе 10 години туку денес сакаш да почнеш, така?

Најди си некоја подлабока причина за старт, не ти требаат површни глупости, бидејќи кога ќе ти стане тешко (а ќе ти стане и те како ќе ти стане, дека нели - живот) ќе ти треба малку подобар мотиватор од, па нели вежбањето е добро за здравјето.

Земи испитај се себеси, гледаш дека тупиме насекаде да не се преправаш. Бидете си искрени со себе. Не се преправај! Токму искреноста ќе ти помогне да не се откажеш од новата програма за вежбање после 3 седмици, затоа што не приметуваш резултати на себе или ќе продолжиш понатаму и вежбањето ќе ти стане навика и ќе се осеќаш супер и ќе го правиш тоа постојано или барем неколку пати неделно?

Ако откриеш зошто, ќе откриеш и што сакаш уопште да вежбаш.

Еве вака:

сакаш да учестуваш на некој IronMan или Spartan трка со твоето 16 годишно дете зошто тоа е кул начин да се видите себеси во такво светло и да имате заеднички спомен коа ќе остарете? Супер, ама, тренингот за таа трка е баеги различен од оној што треба да го правите за да не ве фаќа кичма секој пат кога го кревате: детето, ќесите од пазар, тепихот од дома…

Најди зошто сакаш да вежбаш! Ќе ти биде полесно. Нас ќе ни биде полесно. Аман! Те молам!

Чекор број 2: Од што почнуваш?

Сега откако знаеш, ЗОШТО, да видиме и од каде почнуваме. Да речеме озбилно ти се допаѓа идејава за Спартан трката со ќерката и сакате да учествувате заедно на некоја за 5 месеци. Еве тука имаш распоред: извлоте!

Ајде да процениме од што почнуваш?

Почни со мислата, што сè треба да правиш на таа трка со кал? Треба да трчаш, да ползиш под некои препреки, да се качуваш на јаже, да се клацкаш од една на друга прачка.. Проценката за почеток треба да ти изгледа вака некако:

• Можеш ли да трчаш 5/6 км без да застанеш?

• Можеш ли да чучнеш и да одиш така чучнат доле, 60 секунди?

• Можеш ли да ползиш 60 секунди?

• Можеш ли да направиш згиб?

Да речеме си одговорил ДА на трчењто, ДА можеш да направиш згиб, ама, тоа со чучнувањето доле не си го правел од дете, ползењето ти личи лесно, ама, проба дома или на работа - еве баш сега и за 15 секунди ти личеше дека ќе ти испаднат колковите. Супер. Што треба да извлечеш од ова: можеби издржливоста и силата не треба да ти се приоритет ама некаква програма за флексибилност и мобилност дефинитивно ти треба. Епа ѕвони

Ај сега да го видиме тоа со кичмата: не сакаш да се држиш за кичма секој пат кога ќе те замолат да ги ставиш куферите во багажник. Не си единствен. Ајде да ја направиме твојата почетна точка:

• Можеш ли да станеш од подот без да си помагаш со рацете?

• Дали можеш да чучнетш без да пушташ болни крици?

• Дали можеш да направиш склек?

• Ако стоиш, можеш ли без да ги виткаш колената да го допреш подот со дланките?

Ако само можеш да направиш склек, а се останато ти е ептен далеку од реалноста, тогаш дефинитивно ти треба нешто за да ја подобриш мобилноста и силата во нозете. Па пиши ни.

Чекор број 3: Постави си ги ТВОИТЕ цели! Кај сакаш да стигнеш?

Откако го најде твоето зошто и израчуна од каде почнуваш. Следно е да го направиш планот. Мора да имаш некои краткорочни и некои долгорочни цели. Да повториме од учебник, целите треба да се: реални, мерливи и флексибилни. Се случуваат ‚‚ствари”, дали ќе останеш на планот или ќе се откажеш, зависи најмногу од приспособливоста на целите.

Ај да го видиме планот за Спартан трката: краткорочната цел е да учествуваш на таа у Хрватска за 8 месеци, но што е долгорочната? Сакаш да учествуваш на некоја таква трка за 5 или 15 години пак, пак заедно со твоето дете?

Заради таа долгорочната важно е пак да го ѕирнеш првиот чекор! Што навистина те мотивира да започнеш. Можеби краткорочната ќе ти помогне да почнеш но вистинското, зошто, ќе ти помогне вежбањето да ти стане навика. Ако знаеш зошто сакаш да вежбаш и кои се твоите долгорочни цели полесно ќе ги поминеш сите сопки по патот, а ќе има такви, без разлика дали тие ќе бидат, болест, повреда, ќе станеш родител, ќе растеш и ќе продолжиш само ако знаеш што ти е вистинската цел. Уште еденаш, те молам не се преправај!

Чекор број 4: ПОЧНИ!

Најголемата грешка што ја прават сите, добро скоро сите, ТИ не, бидејќи веќе прочита три важни чекори, и 4000 збора.

Најголемата грешка, што ја прават други ни нема! Е: Да почнат со некоја програма, апансас, без да планираат, без да знаат дали таа е вистинската за нив. Ама тоа не си ТИ. Ти ги прочита чекорите, нагоре. Ти си малку, така, упорен!

На крај ќе треба да работиш/вежбаш. Јбг не може само да читаш чекори за почеток на туѓи блогови. Ќе треба да се испотиш, на крај.

Најважно е да ја одбереш соодветната програма, онаа која ќе ти помогне да ги стигнеш твоите цели и да не менуваш ништо! Направи све можно за да ја избереш вистинската, а кога ќе го направиш тоа нема да ти биде тешко да си посветен на вежбањето и да дојдеш барем 3 пати во неделата, за почеток. Прашајте ги тие што вежбаат кај нас.