Не за џабе обично по зборот “тренинг” оди зборот “рутина”: Да, кога зборуваме за фитнес/вежбање сите сме суштества водени од навики. Постојат брдо истражувања и написи за тоа колку всушност промената во секаков аспект може да влијае позитивно на вашето тело. Може да се истренирате да поднесувате промени! Мразам Јога? Не сакам тегови?

Алармот ѕвони и гласот во вашата глава е убедлив: “Уште 5 минути” и во наредните пола час ја играте snooze играта и веќе немате време да станете и да вежбате.

“Тешко ми е да станам!”, ова го слушаме најчесто од сите оние кои размислуваат дали да почнат со утрински тренинг. А наутро има толку малку работи кои можат да ви го одземат вниманието, па кога конечно ќе влезете во рутината многу е полесно да ја задржите оваа навика и да продолжите напред. Додадена вредност на утринското вежбање, е што истото ви дава едно неверојатно чувство на победа кое ќе ве држи така, цел, цел ден.

Вежбањето наутро има еден куп здраствени бенефити. Со утринскиот тренинг се будите и психички и физички, нормално дека ќе бидете пофокусирани и поостри во размислувањето цел ден. Како бонус, утринското будење на метаболизмот ќе ви овозможи да трошите калории цел ден, супер за сите вас бројачи на калории.

Ноќните птици не мора дополнително да се обесхрабруваат. Има надеж за сите! Има неколку стратегии кои ќе ви помогнат две среќи да грабите.

1. Постепено легнувајте си поранo
Од вашето идеално време за станување, одземете си 7 или 8 часа, ова е оној стандард. Арнолд Шварценегер препорачува не повеќе од 6 часа сон! Пробајте да си легнувате 15 минути порано, секој ден, се додека не дојдете до идеалното време. Не очекувајте дека ќе заспиете во 22ч од прва, ќе заспиете во 01, верувајте - знаеме сме пробале.

2. Грицнете нешто пред спиење (ааа што?)
Доколку спиете по 7/8 часа и наутро пак сте уморни, можно е да имате ниско ниво на шеќер во крвта, според Ангела Џин. Разбудете се со повеќе енергија јадејќи една голема лажица не засладен путер од бадеми пред да си легнете. Со ова ќе ви се стабилизира нивото во текот на ноќта.

3. План, организација, план, организација
Време да се вратите назад во школските денови. Подгответе ги сите работи кои ќе ви требаат за утрото, облека, шминки, опрема за вежбање, од вечер!

4. Немој да стискаш SNOOZE!
Веројатно имате snooze buffer зона. Без разлика дали се 10 минути или 1 час, баталете го ова, пробајте да станете кога ќе ви ѕвони алармот, веднаш. Едноставно ќе спиете повеќе, нема да имате борба со психата - дали треба и кога треба да станете.

5. Полека влезете во ритам
Не треба да станете и да распукате уште утре, навиките се градат полека и постепено.