AMRAP тренинг прашалник извичник

Вежбате, знаете што е As Many Reps As Possible, или AMRAP. Супер.

Не вежбате, сакате да вежбате, сте виделе некаде на ФБ, Инстаграм AMRAP. Ајде, повелете.

Идејата е да напнете и да направите што е можно повеќе повторувања од некоја вежба, значи, најнајвише во некоја временска рамка.

Можеби најчесто го гледате тоа AMRAP во контекст на некоја високо интензивна програма за тренинг и тоа, најчесто има наслов како ,,финишер‘‘ па имате на Инстаграм фид: стори 1 – вежбаат у пм јако, секое повторување е полошо изведено од претходното; стори 2 - умрени лежат на подот, у локви пот; стори 3 - си прават да пукне пред бројот на повторувања што го направиле. Кул.

Ај да пробаме нешто различно, наместо најмногу повторувања за време – да пробате најмногу УБАВИ/ДОБРИ/КВАЛИТЕТНИ/СЕКСИ повторувања за без време.

Каде е тука проблемот?

Проблемот со AMRAP е генерален проблем со вежбањето. Мнозинството признава два исходи од тренинг, а и од AMRAP:

1.     Да се осеќаш уморно, ама ептен.

2. Да се фалиш колку повторувања си направил.

На прва можеби двата пристапи личат скроз легитимни, да се испотиш/умориш и да се фалиш, зарем тоа не е некаков успех во вежбањето?

Да ви го дадеме долгото објаснување?

Не е.

Ако тие две работи ве водат низ вежбањето/физичката активност, да ви кажеме дека истите ниту се ефикасни ниту се ефективни за да постигнете било што.

Да речеме сакате да сте подобри во склек? Проста вештина - склек. Што би научиле со AMRAP пристап кон таа вештина? Како што правите AMRAP склекови - формата ќе почне да се губи и се зголемуваат шансите да се повредите, толку.

Да речеме, ве боли уво за вештината склек и сакате да вежбате кондиција/издржливост во склекови?  Ако правите милион склекови со мизерна форма (не знам, само виткате лакти), дефинитивно само губите енергија, а не зголемувате кондиција.

Ај да го пробате другиот пристап, направете најмногу убави повторувања на склек еве вака тука сме пишувале. Можеби можете 2, супер. Доста е.

Нека бидат убави повторувања

WGN Morning News. We're not drunk, we swear. Weekdays 4-10a.

Ај уште еден пример со вежба која најчесто ја гледаме во AMRAP варијанта. Burpee. Тие најчесто се администрираат во тој формат, најмногу за некое време. Секогаш на крајот на тоа време имаме умрени вежбачи кои демек се спуштаат на земја со некој као склек и на крај не скокаат, туку тоа повеќе личи на скок – повредена жаба се тетерави нанапред. Ако го раздвоиме burpee-то на склек и скок, гледаме дека е баш просто и тоа е сосем океј.

Пробајте следете го горниот совет за секој склек, а секој скок нека биде со тоа што ќе ги донесете стапалата до дланките – како жаба и ќе скокнете вертикално пак со нозете раширени – ќе слетате тивко ќе ги свиткате колената – ќе го допрете подот со дланките и пак сте во позиција склек. Ете тоа е едно убаво burpee. Ако во некој чекор имате ограничувања, не можеш да ги донесеш стапалата до дланките од склек за да скокнеш. ПА НЕ ПРАВИ burpee не е за тебе, можеби треба малку повеќе флексибилност во колковите, а таа нема да ја добиеш со најмногу на свет повторувања burpee, не?

Колку повторувања треба да правам?

1.

Едно.

Да пробаме со едно убаво повторување. Додека го правите 2то помислете си: ,,Дали следново ќе биде убаво ко претходното?‘‘.

Смирете ги нервите вие - чудовишта на физичката подготвеност, што правите демек 550 склека, снимете се, погледнете се дали секое од тие 550 е убаво? Последното? На што личи? Бидете искрени не се преправајте. Ако се научите да правите, неубави 50 склека, ќе научите само лоша механика без простор за напредок, а тоа не е интересно.

Зезнато е кога од 550 треба да се симнете на 1 нели. Почнете од тука. Бидете искрени со себе, лесно е – најтешко на свет е.